-----------------------------------

Covid-19

-----------------------------------

 

Was sòlle mir doderzue saage, e Jòòr ooni Fasnacht und ooni Waage. Wär hätt denn das au dänggt, dass uns das Virus d Fasnacht spränggt. Ooni Vorwaarnig isch es koo, und hét bi uns Spuure hinderloo. Vo aim Daag uff dr ander, herrscht bletzlig Kaos und e Dùùrenander. E Pandemie, so dien si saage, goot uns jetzt an Graage. D Bolytigger dien bletzlig ganz lut kläffe, me dèèrf ab sofort kaini Lyt me dräffe. Es isch doch wiirgglig zem verregge, jetzt sollsch di dehaime go verstegge. Du deerfsch nyt saage und am beschte au nyt dängge, und sollsch de Bolytigger aifach Glaube schängge. Doch, au wenn das Virus jetzt iber is duet richte, d Schletzbrieder Waageglygge wird s nit vernichte. Iirgendwenn goots wider loos, und denn stoot unsere Waage uff dr Strooss.

 

 

 

 

Counter